Бид ихэвчлэн өглөөний цайгаа ууж амжилгүй гэрээсээ гардаг. Улмаар ажил дээрээ ирээд, бэлэн бүтээгдэхүүн авч хэрэглэх нь элбэг.
Хүний эрүүл, зөв хооллолтын үндэс нь өглөөний цайгаа тогтмол уух гэдэг. Өглөөний цайгаа тогтмол ууснаар хүний бие дэх бодисын солилцоо эрчимжиж, цусан дахь сахрын хэмжээ тогтмол байж, дархлаа сайжирч, эрч хүчтэй байдгийг эрдэмтэд тогтоожээ. Харин эсрэгээрээ өглөөний цай тогтмол уухгүй байх нь бүх төрлийн өвчин, буруу дадал зуршлыг бий болгодог.
Өглөөний цай нь хүний биед дараах хэд хэдэн шалтгаанаар чухал нөлөө үзүүлдэг байна.
Энергийн эх үүсвэр: Өглөөний цай нь өглөөний анхны энергийн эх үүсвэр болдог. Хүний бие шөнийн туршид хоол идээгүй байдаг тул өглөөний цай нь тархи болон бие махбодийг шаардлагатай эрч хүчээр хангадаг.
Биеийн жингийн зохицуулалт: Өглөөний цайгаа тогтмол уудаг хүмүүсийн биеийн жин зохистой байдаг. Өглөөний цайг алгасах нь өдрийн турш илүү их өлсөх мэдрэмж төрүүлж, илүү их калори идэхэд хүргэдэг.
Тархи болон сэтгэхүйн үйл ажиллагаа: Өглөөний цай нь тархины үйл ажиллагааг сайжруулж, анхаарал төвлөрөлт, ой тогтоолт, шийдвэр гаргах чадварыг нэмэгдүүлдэг. Судалгаагаар өглөөний цай уудаг хүүхдүүд сурлагын амжилт сайтай байдаг нь тогтоогдсон.
Биеийн эрүүл мэнд: Өглөөний цай нь биеийн бодисын солилцоог идэвхжүүлж, өдрийн туршид илүү их калори шатаах боломжийг олгодог. Түүнчлэн, өглөөний цай нь чихрийн шижин, зүрх судасны өвчин зэрэг архаг өвчнөөс урьдчилан сэргийлэхэд тустай.
Хоолны дэглэмийн зохицуулалт: Өглөөний цайгаа тогтмол уудаг хүмүүсийн хоолны дэглэм зохистой байх хандлагатай байдаг. Өглөөний цайг алгасах нь өдрийн турш хооллох дэглэмийг алдагдуулж, өдрийн бусад хоолонд илүү их амттан, хурц хоол идэхэд хүргэж болзошгүй.
Энэ мэт шалтгаануудын улмаас өглөөний цай нь хүний биеийн эрүүл мэнд, эрч хүч, оюун ухааны ажиллагаанд чухал үүрэг гүйцэтгэдэг байна. Та өглөө бүрийн унд аа өөртөө зориулж байгаарай.
А.БАЯР