Энэ удаагийн сонгуульд залуус үндэсний дээлээрээ гоёж, идэвхитэй оролцож байгаа нь магтууштай. Улсын хэмжээнд нийт 2.2 сая сонгогч саналаа өгөхөөс өглөөний 10.00 цаг орчимд 25-35 насны залуусын ирц өндөр байгаа талаар СЕХ-ноос мэдээлсэн.
Өглөөний 11.00 цагийн байдлаар 400 мянга буюу 21 хувьтай, 12 цагт нийт сонгогчдын ирц 24.2 хувьтай байв.
Үндэсний хувцсаараа гоёж, саналаа өгч буй олны танил эрхмүүдийг онцоллоо.
- Монгол Улсын Ерөнхийлөгч У.Хүрэлсүх Баянзүрх дүүргийн 48-р сургууль дахь санал авах байранд гэргийн хамт саналаа өглөө.
2. УИХ-ын дарга Г.Занданшатар гэргийн хамтаар саналаа өгөхөөр дугаарлаж байна
2.“Үндэсний эвсэл”-ийн тэргүүн Н.Номтойбаяр: “Нийгмийн өмнө хүлээсэн хамгийн том хариуцлагаа ухамсарлан саналаа идэвхтэй өгөхийг уриалж байна”
3. Дуучин Б.Болд, Х.Мөнгөнцэцэг: “Төрт Улсаа хүндлэн монгол дээлээ өмсөн очиж сонгуулиа өглөө. Төр минь түвшин Түмэн олны минь сонголт мэргэн байг ээ”
4. Найруулагч Д.Галбаяр, гэргий, УДЭТ-ын жүжигчин Т.Хулан: “Энэ өдөр бол ард түмэн бидний хувьд хамгийн чухал өдөр! Ганцхан энэ л өдөр төр барих эрх бидний гарт байдаг. Сонгосон сонголтондоо дараагийн 4 жил харамсахгүйн төлөө бүгдээрээ сонгуульдаа идэвхтэй оролцоорой!”
5. Загвар өмсөгч Э.Энхболд, гэргий Д.Отгонжаргал: “Сонгох эрхээ эдэлж, саналаа өгчихлөө бид хоёр. Саналаа эртхэн өгөөд, Билгүүн дээрээ очьё Архангай явлаа. Сонголт мэргэн байх болтугай”
6. Хөтлөгч Х.Санжаасүрэн: “Ээжтэйгээ очиж иргэний үүргээ биелүүллээ. Ээжтэйгээ очно гэдэг бас их учиртай”
7. Шар айраг хамтлагийн ахлагч, аялагч Г.Ганхүү: “Иргэний үүргээ биелүүлчихлээ. Энэ удаагийн сонгуулиар хиамчин болчихгүйг их хичээлээ”
8. Жүжигчин, продюсер Б.Навчаа: “Итгэл найдвар залуучуудын минь гарт байна шүү. Та нарын минь ирц 80% хүрвэл шинэ эргэлт, шинэ сонголтыг авчирна. Алив ээ залуучуудаа эх орноо сэв хийтэл өргөөдхөөч”
9. “Хар сарнай” хамтлагийн ахлагч, Гавьяат жүжигчин С.Амармандах: “Тэнгэрлэг түмэн олонтойгоон – Хийморьлог залуустайгаан -Хайрт ханьтайгаан – сонгуулиа өглөө”
10. “Маск” продакшны жүжигчин Ц.Ганзориг: “Сонгуулиа өгчихлөө. Сонголт минь зөв мэргэн байж,миний Монгол мандан бадрах болтугай. Сонгуульдаа идэвхтэй оролцоорой залуусаа” 
11. Дуучин А.Түмэн-Өлзий: “Сонгуульдаа идэвхтэй оролцож иргэнийхээ үүргийг биелүүлээрэй”
12. Жүжигчин Г.Ундармаа: “Сонгуулиа өгчихлөө. Ийм л зураг байна”
А.БАЯР
