УИХ-ын 2024 оны ээлжит сонгуулийн санал хураалт үргэлжилж байна. УИХ-ын сонгуулийн тухай хуулийн 9.4-т “Ээлжит болон ээлжит бус сонгуулийн санал авах өдөр бүх нийтээр амарна” гэж заасан.
ХНХЯ-ны Хөдөлмөрийн харилцааны бодлогын хэрэгжилтийг зохицуулах газрын ахлах шинжээч Ш.Маяагийн мэдээлснээр, УИХ-ын сонгуулийн тухай хуульд санал хураах өдөр бүх нийтээр амрах талаар тусгасан ч нэг өдрийн цалинг хэрхэн тооцох талаар тодорхой заалт байхгүй аж.
Энэ асуудлыг Хөдөлмөрийн тухай хуулийн 109.2-т зааснаар “Долоо хоногийн амралтын өдөр ажилласан ажилтныг нөхөн амруулаагүй бол түүний дундаж цалин хөлсийг нэг аравны тав дахин, түүнээс дээш хэмжээгээр нэмэгдүүлж олгоно” гэсэн зохицуулалт мөрдөгдөж буй юм байна.
Ч.ДАШ