Үндэсний их баяр наадмын өдрүүдэд Төв цэнгэлдэх хүрээлэнд 240, “Хүй долоон худаг”-т 390 худалдаа, үйлчилгээний цэг ажиллана.
Төв цэнгэлдэх хүрээлэнд худалдаа үйлчилгээний цэгээс гадна ойр орчинд нь А, Дк, Ж, Ү, Г гэсэн ангилал бүхий 6550 автомашины зогсоол бэлдээд байгаа юм. Тус хүрээлэн нийт 10,755 суудалтай, 18 хаалгатай бөгөөд баярын үеэр ойролцоогоор 12,000-18,000 иргэний тойрох хөдөлгөөн хийгддэг аж.
Мөн “Хүй долоон худаг”-ийн наадмын талбай нийт 13.6 га. Энд А, Д, Ж, Ү, Г, М гэсэн ангилал бүхий 11500 машин байрлуулах зогсоол, 150 орчим уяачийн гал, соёолон насны хурдан морины уралдааны үеэр 30 мянга орчим иргэн цугларч нааддаг байна.
Х.ТҮШИГ
