Цагдаагийн ерөнхий газраас мэдээлснээр, залилах гэмт хэрэг үйлдэж, эрэн сурвалжлагдаж байсан БНСУ-ын иргэнийг баривчилж, шилжүүлжээ.
Тодруулбал, БНСУ-д үндэстэн дамнасан санхүүгийн залилах гэмт хэрэг үйлдэж, Интерполын “Улаан булант” зар мэдээгээр олон улсын хэмжээнд эрэн сурвалжлагдаж байсан иргэн “К”-г Монгол Улсын нутаг дэвсгэрт орогнож байхад нь илрүүлэн, энэ оны зургаадугаар сарын 21-ний өдөр баривчлан, шилжүүлж өгөх зорилгоор цагдан хорьж байсан аж.
“К” гэгчийг энэ сарын 9-ний өдөр БНСУ-ын Хууль зүйн яам, Ерөнхий Прокурорын Газар, Үндэсний Цагдаагийн ерөнхий газрын алба хаагчдаас бүрдсэн хуяглан хүргэх баг Монгол Улсад ирж, шилжүүлэн авах ажиллагааг гүйцэтгэсэн байна.
Ч.ДАШ