Үндэсний статистикийн хорооноос гол нэрийн барааны үнийн өсөлтийн хүснэгтийг боловсруулсан байна. Улаанбаатар хотод 2023 оны 4 сарын 3-ны байдлаар хүнсний гол нэрийн барааны үнэ өмнөх сараас 4.4 хувь, өмнөх 7 хоногоос 2.6 хувиар нэмэгджээ. Ямааны махны үнэ өмнөх сартай харьцуулахад хамгийн өндөр буюу 10.4 хувиар өссөн бол, хонины мах 1 килограмм нь 14246 төгрөг, үхрийн мах 16402 төгрөг болж тус тус өссөн байна.
