“Парис 2024” зуны олимпын наадмын боксын төрлийн сугалаа явагдлаа. Монгол Улсаас эмэгтэйчүүдийн 54 кг-ын жинд ОУХМ Мөнгөнцэцэгийн Энхжаргал эхний даваандаа 2023 оны дэлхийн аварга шалгаруулах тэмцээний мөнгөн медальт Италийн тамирчин Чараабитай тулалдах сугалаа татлаа.
Харин 50 кг-ын жинд ОУХМ О.Есүгэн “Рио-2016” олимпын хүрэл медальт, Дэлхийн аваргын мөнгө, хүрэл медальт Колумбын тамирчин Валиансатай тулалдах учраа таарав. Колумбын тамирчин өдгөө 35 настай, олимп, дэлхийн медальтай, туршлагатай тамирчин юм.
А.БАЯР