Хүн төрөлхтний эв найрамдлын бэлгэ тэмдэг “Парис 2024” Зуны XXXIII Олимпын наадам гурав дахь өдрөө амжилттай үргэлжилж байна. Өнөөдрийн байдлаар Парисын олимпод оролцож буй 206 орны багаас 28 орон медаль хүртэж, 12 орны тамирчин алтан медалийн тавцанд зогсож, төрийн дууллаа эгшиглүүлээд байгаа юм.
Япон Улс дөрвөн алтан медальтайгаар хошуучилж байгаа бол Австрали, АНУ, Франц, Хятад, Солонгос удаалж буй бөгөөд АНУ 12 медальтай тэргүүлж байна.
Монгол Улсын баг нэг мөнгөн медальтайгаар 16 дугаарт эрэмбэлэгдэж буй юм. Энэхүү медалийг жүдо бөхийн эмэгтэйчүүдийн 48 кг-ын жинд өрсөлдсөн Дэлхийн аварга, ОУХМ Б.Баасанхүү хүртэж, монголчуудаа баярлуулсан билээ.
“Парис 2024” олимпын наадмын гайхалтай хормуудын гэрэл зургуудаас толилуулж байна.
Эх сурвалж: IJF, MNOC