Трап, бас хайрыг шингээсэн жинхэнэ хип хоп үдэшлэг бол “ЭНЭ МӨЧ”

Одоо цагийн Монголын хөгжмийн ертөнцөд маргашгүй их хувь нэмэр оруулж, салшгүй нэгэн хэсэг нь болж яваа уран бүтээлчид бол Ginjin, Mrs M нар билээ.

Тэд сүүлийн 15 жилийн хугацаанд Ginjin Trap урсгалыг анхлан нэвтрүүлж, үүний араас дрилл, electro гэх мэт олон төрөл шинэ өнгийг Монголын гар hiphop ертөнцөд нэвтрүүлжээ.

Ginjin Mrs.M “Энэ Мөч”, “Бороо”, “Хөөрхөн охид trap сонсдог”, “Сувгаа соль”, “АТМ”, “Goy te?”, “Ganbei!” гэх дуунуудаас эхлээд та бидний чихийг мялааж, сэтгэлд үлдсэн олон арван хит дуу бүтээсэн. Тэд энэ зуны дулаахан үдэш Төв цэнгэлдэх хүрээлэнд фэнүүддээ “Энэ Мөч” бүрэн хэмжээний тоглолтоо тавих боллоо.

Наймдугаар сарын 17-нд таныг хамгийн сайн хөгжим, чанартай уух зүйлс, халуун хоол, амрах хэсэг бүхий Тгар бас хайрыг шингээсэн жинхэнэ Hip Hop үдэшлэг болох гэж байна.

Тоглолтын ерөнхий найруулагчаар “SKIN ENTERTAINMENT”-ийн захирал, ерөнхий найруулагч Б.Анар ажиллаж буйгаас гадна “Hip hop” болон “Rnb” урсгалын 20 гаруй зочин уран бүтээлч оролцох юм. Тайзны найруулга болон тоглолтын ерөнхий найруулгыг шинэ түвшинд хийхээр зорьж ажиллаж байгаа аж.

“Энэ мөч” тоглолт ерөнхий таван хэсэгтэй байх бөгөөд бүрэн хэмжээний энтертайнмент гэдгээрээ энэ зуны хамгийн өвөрмөц шоу тоглолт болох юм.