Хонконгод болж буй Зүүн Азийн эмэгтэйчүүдийн волейболын аварга шалгаруулах тэмцээн энэ сарын 18-ныг хүртэл үргэлжилнэ. Энэхүү тэмцээнд Зүүн Азийн бүсийн Хятад, Япон, БНСУ, Тайвань, БНАСАУ, Макао, Хонконг, Монголын найман баг өрсөлдөж буй.
Монгол Улсын шигшээ баг БНСУ, Хонконг, БНАСАУ-ын багуудтай нэг хэсэгт багтсан. Улмаар эхний тоглолтоо Хонконгийн эсрэг хийж, 1:3 харьцаагаар хожигдсон билээ. Харин дараа нь Бүгд Найрамдах Ардчилсан Солонгос Ард улсын багтай өрсөлдсөн ч мөн 1:3 харьцаагаар Монгол Улсын баг ялагдал хүлээсэн юм.
Хэсгийн сүүлийн тоглолтоо өнөөдөр (2024.08.15) Өмнөд Солонгосын багтай хийсэн Монгол Улсын баг гурван үед гурвууланд нь 21:25-аар хожигдож, нийт дүнгээр 3:0 харьцаагаар ялагдлаа.
Хэдийгээр Монгол Улсын баг хэсгээсээ гарч чадаагүй ч 5-8 дугаар байрын тоглолтод оролцоно.
Сонирхуулахад, Монгол Улсын эмэгтэй баг энэхүү тэмцээнд 1998 оноос хойш 10 удаа оролцохдоо нэг мөнгө, нэг хүрэл медаль хүртэж байв.
Х.ТҮШИГ