Улсын нэгдүгээр төв эмнэлэг (УНТЭ)-ийн ерөнхий захирал, анагаах ухааны доктор Б.Хишигжаргал өнөөдөр (2024.08.16) БНХАУ-ын ӨМӨЗО-ы Улаан загалмайн байгууллага болон БНХАУ-ын “Чао Жү” нүдний эмнэлгийн төлөөлөгчдийг хүлээн авч уулзсан байна.
Энэхүү уулзалтад БНХАУ-ын талаас Өвөрмонголын “Чао Жү” нүдний эмнэлгийн Хөрөнгө оруулалтын менежер Шин Лу (Xin Lu), Бо Чи (Bo Chi) нар, МУЗН-ийн Захиргаа, хяналт үнэлгээний багийн ахлагч О.Алимаа болон УНТЭ-ийн гадаад харилцааны мэргэжилтэн А.Гэрэлтуяа, УНТЭ-ийн Нүд судлал, мэс заслын тасгийн эмч О.Наранцэцэг нар байлцжээ.
Монголын Улаан загалмай нийгэмлэг, БНХАУ-ын ӨМӨЗО-ны Улаан загалмай байгууллага хоорондын хамтын ажиллагааны хүрээнд БНХАУ-ын “Чао Жү” нүдний эмнэлэгтэй хамтран “Бүс ба зам-Гэрэлт аялал” төсөл хэрэгжүүлж байгаа аж.
Энэхүү уулзалтаар “Бүс ба зам-Гэрэлт аялал” төслийн хүрээнд явуулын нүдний эмнэлэг ажиллуулах, эмч, сувилагч, эмнэлгийн мэргэжилтнүүдээ харилцан туршлага солилцох, сургах чиглэлээр цаашид хамтран ажиллах талаар ярилцаж санал бодлоо солилцжээ.
Х.НУРЖАН
