“Тавантолгой төмөр зам” ХХК 2024 оны наймдугаар сарын 1-ний өдрийн байдлаар Тавантолгой-Гашуунсухайт-Тавантолгой, Тавантолгой-Цогтцэций-Тавантолгой чиглэлийн төмөр замаар 2.2 сая.тонн ачаа тээвэрлэсэн байна.
Дашрамд дурдахад, Гашуунсухайт шилжүүлэн ачих терминалыг албан ёсоор уул уурхайн бүтээгдэхүүн ачиж, буулгах зориулалттай гаалийн хяналтын бүсээр зарласан.
Гаалийн ерөнхий газрын даргын А/428 тоот тушаалын дагуу Өмнөговь аймгийн Ханбогд сумын нутаг дэвсгэр, хилийн Гашуунсухайт боомтын орчимд байрлах “Тавантолгой төмөр зам” ХХК-ийн 74 га талбайг уул уурхайн бүтээгдэхүүн ачиж, буулгах зориулалттай гаалийн хяналтын бүсээр бүртгэгдсэн билээ.
Шилжүүлэн ачих терминал нь Тавантолгойн бүлэг ордоос төмөр замын тээврээр ачигдсан чингэлэгтэй ачааг вагоноос автомашинд, вагоноос вагонд шилжүүлэн ачих боломжтой, талбайд хадгалах, экспортын тээвэртэй холбоотой бичиг баримтын бүрдүүлэлт, төлбөр тооцоог хийх нэг цэгийн үйлчилгээ бүхий 24 цагийн тасралтгүй үйл ажиллагаатай байгууламж юм.
Э.ЭГШИГЛЭН
