XVII дахь удаагийн паралимпын наадам Парис хотноо өнөөдөр (2024.08.28) албан ёсоор эхэлнэ. Нээлтийн ёслол Улаанбаатарын цагаар 28-наас 29-ныг шилжих шөнийн 02:00 цагаас эхлэх хуваарьтай байна. Улмаар есдүгээр сарын 8-ныг хүртэл үргэлжилж, 184 орны 4400 орчим тамирчин 22 спортын төрлөөр 549 медалийн төлөө өрсөлдөх юм.
Харин Монгол Улсаас спортын зургаан төрөлд 12 тамирчин оролцоно.
Тодруулбал,
Байт харваа:
- Д.Сэлэнгэ
- Б.Оюун-Эрдэнэ
Хөнгөн атлетик:
- П.Энхманлай (Тэргэнцэртэй уралдах 100 метрийн зай)
- Ц.Баттулга (Бөөрөнцөг түлхэлт)
Жүдо:
- Б.Баттөгс (Эрэгтэй, 90 кг)
- Д.Ганбат (Эрэгтэй, +90 кг)
- Т.Сувд-Эрдэнэ (Эмэгтэй, 48 кг)
- Л.Туруунаа (Эмэгтэй, 70 кг)
Поуэрлифтинг:
- Э.Содномпилжээ (Эрэгтэй, -107 кг)
Таеквондо:
- Г.Болор-Эрдэнэ (Эрэгтэй, 63 кг)
- У.Сүрэнжав (Эмэгтэй, 52 кг)
Усанд сэлэлт:
- Х.Номуун (Эмэгтэй, 50, 400 метрийн чөлөөт сэлэлт) нар оролцоно.
Сонирхуулахад, Монголын багийн тугчаар паралимпын алт, хүрэл медальт, ДАШТ-ий гурван алт, дөрвөн мөнгөн медальт, дэлхийн цомын зургаан удаагийн аварга, Ази тивийн хошой аварга, дэлхийн дээд амжилтыг эзэмшигч, хөдөлмөрийн баатар, гавьяат тамирчин Э.Содномпилжээ , байт харвааны тамирчин Б.Оюун-Эрдэнэ нар сонгогдсон билээ.
Х.ТҮШИГ
