Засгийн газар өнөөдрийн (2024.08.28) ээлжит хуралдаанаар 19 асуудлыг хэлэлцэхээр төлөвлөөд буй талаар мэдээлсэн билээ. Хуралдаан хараахан дуусаагүй байгаа ч энэ долоо хоногт дахин ээлжит бусаар хуралдахаар шийдвэрлэсэн байна.
Тодруулбал, Засгийн газар энэ долоо хоногт багтаан ээлжит бусаар хуралдаж, Монгол Улсын 2025 оны нэгдсэн төсвийн төслийг хэлэлцэхээр болжээ. Улмаар УИХ-д өргөн барихаасаа өмнө олон нийтэд танилцуулах аж.
Өнөөдрийн хуралдаанаар,
- Монгол Улсын нэгдсэн төсвийн 2025 оны төсвийн хүрээний мэдэгдэл,
- 2026-2027 оны төсвийн төсөөллийн тухай хуульд өөрчлөлт оруулах тухай,
- Монгол Улсын 2025 оны төсвийн тухай,
- Үндэсний баялгийн сангийн 2025 оны төсвийн тухай,
- Нийгмийн даатгалын сангийн 2025 оны төсвийн тухай,
- Эрүүл мэндийн даатгалын сангийн 2025 оны төсвийн тухай хуулийн төсөл болон эдгээртэй холбогдуулан боловсруулсан бусад хууль тогтоомжийн төсөл,
- Газрын тосны боловсруулах үйлдвэр байгуулах төслийн явцын талаар,
- Төрийн байгууллагын нэгдсэн цахим хуудасны талаар зэрэг 19 асуудлыг хэлэлцэж болон танилцахаар төлөвлөөд байгаа юм.
Хуралдаанаас гаргасан шийдвэрийг бид эргэн мэдээлэх болно.
Х.ТҮШИГ
