УИХ-ын чуулган наймдугаар сарын 15-наас 30-ны хооронд долоон удаа ээлжит бусаар хуралдсан билээ. Хуралдааны ирцийн мэдээлэл ил болжээ.
Уг мэдээллээс харахад УИХ-ын гишүүн Х.Баттулга, Ж.Ганбаатар, Б.Пүрэвдорж нар хуралдаа хоёр удаа суусан байна.
Тодруулбал, УИХ-ын гишүүн Х.Баттулга хоёр хуралд сууж, тавд нь суугаагүй. Ингэхдээ гурван удаагийн хуралд оролцож чадаагүй шалтгаанаа гадаадад байсан хэмээн тайлбарласан бол нэг удаа чөлөө авч, нэгийг нь тасалжээ.
УИХ-ын гишүүн Ж.Ганбаатарын тухайд, таван удаагийн хуралд сууж чадаагүй шалтгаанаа гуравт нь гадаадад байсан гэсэн бол хоёр хуралдаанаа тасалсан байна.
Харин УИХ-ын гишүүн Б.Пүрэвдорж орон нутагт байсан учир таван удаагийн хуралд оролцож чадаагүй аж.
Чуулганы ээлжит бус хуралдаанд нэг ч удаа суугаагүй УИХ-ын гишүүн байгаа нь Д.Ганмаа юм. Тэрбээр гадаадад байгаа гэх шалтгаанаар хуралдаа оролцоогүй байна.
УИХ-ын ээлжит бус чуулганы ирцийн мэдээллийг ЭНД дарж дэлгэрэнгүй харна уу.
Х.ТҮШИГ
