Баянхонгор аймгийн Баян-Овоо сумаас Баацагаан сумын Оройн бууц 2 дугаар багийн “Бунхан сайрын худаг” гэдэг газрын чиглэлд нүүж явсан малчин айлын хоёр хүүхэд 400 орчим бог мал тууж яваад сураггүй болжээ. Энэ тухай дуудлага аймгийн Онцгой байдлын газарт есдүгээр сарын 29-ний өдрийн 10:38 цагт ирсэн байна.
Тус аймгийн Онцгой байдлын газрын Эрэн хайх, аврах бүлгийн алба хаагчид, ар гэрийнхэнтэй хамтран 12 настай, эрэгтэй А, 8 настай, эрэгтэй Э нарыг 12:33 цагаас эхлэн эрэн хайх ажиллагааг зохион байгуулж, “Өндөр толгой” гэдэг газар эзэнгүй айлд байсныг 13:12 цагт эсэн мэнд олж, ар гэрт хүлээлгэн өгчээ.
Эх сурвалж: ОБЕГ
