УИХ-ын 2024 оны ээлжит сонгуулиар бүрдсэн, анхны 126 гишүүнтэй шинэ парламент намрын ээлжит чуулганаа өнөөдөр (2024.10.01) нээлээ.
Энэ талаар УИХ-ын гишүүн, Шадар сайд С.Амарсайхан “2024 оны намрын ээлжит чуулган нээлтээ хийж буй энэ цаг дор олон намын төлөөлөл бүхий 126 гишүүнтэй парламентыг иргэдийн зүгээс илүү нээлттэй, ил тод байхын зэрэгцээ УИХ-ын гишүүний ажилдаа илүү хариуцлагатай, ажил хэрэгч хандаасай гэсэн хүлээлт нийгэмд хэдийн үүсээд байна.
Учир нь, Намрын чуулганаар эдийн засгийн тогтвортой байдлыг хангах, хөрөнгө оруулалтын эрх зүйн орчныг илүү боловсронгуй болгож, гадаадын хөрөнгө оруулалтыг нэмэгдүүлэх, нэг салбараас хамааралтай эдийн засгийн суурийг өргөжүүлэн тэлэх, дотоодын бизнес эрхлэгчдийг дэмжих, эдийн засаг дахь төрийн оролцоог багасгах хууль, эрх зүйн шинэчлэлийг хийх шаардлага бий.
- “Хүн төвтэй хууль” буюу хууль хүний эрхийг дээдэлсэн, хүн төвтэй үзэл санаа бүхий байх,
- “Цаг үеийн шаардлагад нийцсэн хууль” буюу нийгмийн хурдацтай хөгжлийн шаардлагад нийцүүлэн, эрх зүйн зохицуулалтыг цаг алдалгүй гаргадаг байх,
- “Иж бүрэн зохицуулалттай, ойлгомжтой хууль” буюу хуулийг тодорхой, ойлгомжтой болгож, хууль болон журмаар зохицуулах харилцааны заагийг тодорхойлох гэсэн эрх зүйн орчны “Гурван төгөлдөршил”-ийг санаачлан эхлүүлээд байна” хэмээн УИХ-ын дарга Д.Амарбаясгалан Намрын чуулганыг нээж хэлсэн үгэндээ онцоллоо.
Хамтарсан Засгийн газраас өргөн мэдүүлсэн Төсвийн тухай хууль нь улс орны хөгжлийг шинэ шатанд гаргах, Бүсчилсэн хөгжилд хүргэх их бүтээн байгуулалтын эхлэлийг тавьж, нэг хүнд ноогдох ДНБ-ий хэмжээг 10,000 ам.долларт хүргэх дунд хугацааны зорилтыг биелүүлэхэд чиглэгдэж байгаа.