Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Социалист Вьетнам Улсын Ерөнхийлөгч, Намын Ерөнхий нарийн бичгийн дарга То Лам-ын Монгол Улсад төрийн айлчлал хийсэн билээ.
Айлчлалын хүрээнд хоёр улсын харилцаа шат ахиж, иж бүрэн түншлэлийн түвшинд хүрлээ.
Айлчлалын үр дүнгээс дурдвал,
- Монгол Улс, БНСВУ-ын хооронд Иж бүрэн түншлэлийн харилцаа тогтоох тухай Хамтарсан тунхаглал гаргав.
- “Хүнсний хангамж, аюулгүй байдал” үндэсний хөдөлгөөний хүрээнд хамтарсан үйлдвэр байгуулахаар тохиров.
- “Тэрбум мод” үндэсний хөдөлгөөний хүрээнд Монголын хөрсөнд тохирсон мод тарих судалгааг хийхэд хамтран ажиллахаар болов.
- Вьетнам Улсаас далайн гаралтай бүтээгдэхүүн экспортлох, Монгол Улсаас мах, махан бүтээгдэхүүн импортлохоор тохиролцлоо.
- Мал аж ахуйн салбарын хамтын ажиллагааг бэхжүүлж, хамтарсан ферм байгуулахаар болов.
- Зудад нэрвэгдсэн малчдад Вьетнам Улсын Засгийн газраас 500 мянган ам.долларын хүмүүнлэгийн тусламж үзүүлнэ.
- Вьетнамын “Морьт цагдаагийн хороо”-нд нэр төртэй алба хашсан монгол морьдыг нутаг буцаах ажлыг хамтран хэрэгжүүлэхээр болов.
- Монгол, Вьетнамын хооронд агаарын харилцааг өргөжүүлж, зорчигч болон ачаа тээврийн шууд нислэгийг эхлүүлэхэд хамтран ажиллахаар болов.
- Байт харваа, чөлөөт бөх, жүдо бөхийн төрлөөр харилцан туршлага солилцож, хамтарсан бэлтгэл хийнэ
- Хөдөлмөрийн зах зээлд ажиллах хүчин нийлүүлэх тухай Монголын талын саналыг дэмжив.
- Мэдээлэл, технологийн салбар дахь боловсон хүчинг бэлтгэхэд хамтран ажиллахаар болов.
- Монгол, Вьетнам судлалыг хөгжүүлж, оюутан солилцоог өргөжүүлэх ажлыг эхлүүлэхээр болов.
- 2026 онд Улаанбаатар хотноо зохион байгуулагдах Цөлжилттэй тэмцэх тухай НҮБ-ын конвенцын Талуудын 17 дугаар бага хуралд вьетнамын тал оролцохоо баталгаажууллаа.
Х.ТҮШИГ
