Намрын адаг сарын шинийн 7- нд буюу аравдугаар сарын 10- нд “МАЙДАР ЭРГЭХ ЁСЛОЛ” Монголын Бурхан Шашинтны төв Гандантэгчэнлин хийдэд болно.
Майдар гэдэг нь эртний Энэтхэгийн санскрит хэлний “мадри” буюу асрах, хайрлан энэрэх гэсэн үг ажээ. Утгын хувьд асрах хайрлах сэтгэл буюу зөвхөн өөртөө хайртай байх бус өөрөөсөө илүүтэй бусдыг асран халамжилж, зовж зүдэрсэн хүнд туслах улмаар эх болсон зургаан зүйл, хамаг амьтныг амгалан жаргалантай байлгах өндөр их хариуцлагын нэр ажээ.