“Сонгинохайрхан дүүргийн дугаар хорооны Ардчилсан намын байранд согтуу хүмүүс зодолдоод байна” гэх дуудлага Цагдаагийн байгууллагын 102 тусгай дугаарын утсанд энэ оны 10 дугаар сарын 5-ны өдрийн 21:15-цагт иржээ.
Шалгалтын явцад Ардчилсан намын ухуулах байранд 2024 оны 10 дугаар сарын 5-ны оройн 21:10 цагийн орчим нэр бүхий нэр дэвшигч нь ухуулагч таван иргэний хамт согтууруулах ундааны зүйл хэрэглэж байх явцад Монгол Ардын намын нэр бүхий 10 ухуулагч орж, ухуулах байранд архи уулаа гэх шалтгаанаар маргалдаж, хоорондоо түлхэлцэн эрх чөлөөнд нь халдсан болох нь урьдчилсан байдлаар тогтоогджээ.
Цаашид шалгалтын ажиллагааг үргэлжлүүлэн хийж байгаа аж. Харин мэс хэрэглэж, хүний эрүүл мэндэд хохирол учруулсан зүйл одоогоор тогтоогдоогүй байгаа юм.
