Хан-Уул дүүргийн иргэдийн нийтийн тээврээр зорчих эрэлтийг хангах, хүртээмжийг нэмэгдүүлэх зорилгоор Нийслэлийн Нийтийн тээврийн бодлогын газрын даргын А/119 дугаар тушаалаар Х:20 “Чингис хаан олон улсын нисэх буудал-Буянт-Ухаа спорт цогцолбор” чиглэлийг өөрчилжээ.
Тодруулбал, тус чиглэлийг “Таван шар” автобусны зогсоол хүртэл сунгаж Х:20 “Чингис хаан Олон улсын нисэх буудал-Таван шар” болгон маршрутыг шинэчиллээ.
Тухайн чиглэл нь өнөөдрөөс эхлэн Таван шараас Чингис хаан Олон улсын нисэх буудал хүртэл иргэдэд үйлчлэх юм.