Нутгийн зам төслийн хүрээнд хэрэгжсэн Ховд аймгийн Булган сумын төвийн багц-1 буюу 4,58 км хатуу хучилттай авто замыг үүрэг даалгаврын биелэлтээр байнгын ашиглалтад оруулжээ.
Тус замын зорчих хэсгийн өргөн 6 метр, хоёр талдаа 1,5 метрийн өргөнтэй явган болон дугуйн замтай.
Хучилтын хийцийн тухайд хөлдөлтөөс хамгаалах үе 300 мм, цементээр бэхжүүлсэн суурь 200 мм, суурь асфальтбетон 40мм, өнгө асфальтбетон 30мм, хөвөөний өргөн 1,5 метр аж. Нийтдээ 9 цэгт ган дугуй хоолой, 36 ширхэг дохионы шон, 77 ширхэг босоо тэмдэгтэй баригдсан байна.
