Өнөөдөр монгол орон даяар орон нутгийн ээлжит сонгууль тохиож байна. Хуульд заасны дагуу энэ өдөр бүх нийтээр амардаг. Улмаар Баасан, Бямба, Ням гарагт амрах таатай цаг мөч тохиолоо. 
Эдгээр амралтын өдрүүд нь энэ намрын хамгийн сүүлийн налгар, дулаан өдрүүд байх төлөвтэй. Тодруулбал, өнөөдөр (2024.10.11) өдөртөө Улаанбаатар хотод +15 градус дулаан байх бол амралтын өдрүүдэд +15 – +17 градус хүртэл хална. Харин ирэх долоо хоногоос эрс сэрүүсэж 0-4 градуст хүрч хур тунадас орох юм.
Завгүй олон өдөр хоногуудын завсарт гэр бүлээрээ амарч, салхилах боломжтой цөөн өдөр тохиож буй тул та бүхэн агаар салхинд амжиж гараарай гэж зөвлөе. Нийслэл хот ойр орчимдоо агаарлах боломжтой маш олон газартай болсон гэдгийг нэмж хэлье. Мөн орон нутгийнхаа сонгуульд санал аа заавал өгөөрэй. Ирэх жилүүдэд та бидний өмнөөс шийдвэр гаргах төлөөллөө сонгож буй тул хойш тавилгүй саналаа өгөхийг зөвлөж байна. Уншигч та амралтын өдрөө сайхан өнгөрүүлээрэй.
