Нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогчоор Түмэндалайн Даваадалайг өнөөдөр (2024.10.15) томилов.
Т.Даваадалай инженер мэргэжилтэй, орос, англи хэлтэй. 2006 онд ерөнхий боловсролын 73 дугаар дунд сургуулийг, 2006-2011 онд ОХУ-ын Санкт-Петербург хотын Санкт-Петербургийн Зам харилцааны их сургуулийг зүтгүүрийн аж ахуйн инженер мэргэжлээр төгссөн.
2015-2017 онд Австрали улсын Квийсландын их сургуульд менежментэд суурилсан инженер-бизнесийн удирдлага хосолсон мэргэжлээр магистрын зэрэг хамгаалжээ.
Ажлын туршлага:
-
- 2011-2015 онд “Улаанбаатар төмөр зам” ХНН-ийн туслах машинч, засварын хүлээн авагч, машинч, засварын инженер
- 2016 онд “UniCar” старт-ап үүсгэн байгуулагч
- 2017 онд “Батс-Өргөө” ХХК-ийн ОТ сайт менежер
- 2018 онд “Аплайс Монгол” ХХК-ийн бизнес хөгжлийн менежер
- 2020 онд “Дава Бизнес Консалтинг” ХХК-ийн захирал
- 2020 онд “NCСS ХХК”-ийн ОТ төслийн менежер
- 2019-2021 онд “Вагнер Ази” ХХК-ийн техникийн зөвлөх багийн менежер
- 2021 оноос өнөөдрийн хүртэл “Бодь Интернэшнл” ХХК-ийн “Тавантолгойн нүүрс ачих логистикийн төв” төсөл хариуцсан захирал
- 2022 оноос өнөөдрийг хүртэл “Бодь” группийн R&D төвийн даргаар ажиллаж байсан.
Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогчоор Амгаланбаярын Амартүвшинг өнөөдөр (2024.10.15) томиллоо.
А.Амартүвшин дипломат, олон улсын харилцаа, эрх зүйч мэргэжилтэй. 2007 онд Австралийн Монаш их сургуулийг улс төр, гадаад судлалаар бакалавр, 2011 онд Австралийн Декиний их сургуулийг гадаад харилцааны мэргэжлээр магистр зэрэгтэй төгссөн.
Ажлын туршлага:
-2008 онд УИХ-ын Тамгын газрын захиргааны хэлтэст зохион байгуулагч
-2008-2013 онд УИХ-ын Тамгын газрын гадаад харилцааны хэлтэст зохион байгуулагч, шинжээч, референт
-2013-2016 онд БНБУ-д суугаа ЭСЯ-ны дипломат ажилтан, консул
-2016 оноос өнөөдрийг хүртэл Хан-Уул дүүргийн ЗДТГ-т Засаг даргын Нийгмийн бодлого хариуцсан орлогчоор ажиллаж байсан.
-2020-2024 онд Хан-Уул дүүргийн Иргэдийн Хурлын Төлөөлөгч
-2024 оноос одоог хүртэл Нийслэлийн Иргэдийн Төлөөлөгчдийн Хурлын төлөөлөгчөөр ажиллаж байсан.
Тэрбээр өнөөдрөөс Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогчоор ажиллаж эхэллээ.
Э.ЭГШИГЛЭН
