Ерөнхий боловсролын сургуулийн сурагчдын бие даалтын долоо хоног ирэх Даваа гарагаас буюу аравдугаар сарын 28-наас эхэлж, арваннэгдүгээр сарын 2-ныг хүртэл үргэлжилнэ.
Бие даалтын долоо хоногоор сурагчид танхимаар хичээллэхгүй. Харин дараах байдлаар бие даалтаа хийж, тэмдэглэл хөтлөх боломжтой юм.
- Бага анги /1-5-р анги/:
-Шинэ найзтай болох,
-Эрүүл мэндийн үзлэгт хамрагдах,
-Хоол хийж сурах,
-Эрүүл, зөв хооллолтын талаар мэдлэгтэй болох,
-Гэрээ цэвэрлэж сурах,
-Үндэсний тоглоом, наадгай сурах,
-Номын ертөнцөөр аялах,
-Музей үзэх,
-Кино, жүжиг үзэх,
-Урлаг, спортын чөлөөт арга хэмжээнд оролцох гэх мэтийг өдөрт 15-20 минут хийхээр төлөвлөнө.
- Дунд анги /6-9-р анги/:
-Сайн дурын ажилд оролцох,
-Гамшиг, эрсдэлээс өөрийгөө болон бусдыг хамгаалах талаар суралцах,
-Эцэг, эхийнхээ ажлын газраар зочлох,
-Үйлдвэр, үйлчилгээний газруудтай танилцах,
-Байгаль орчин, орон нутгаа судлах,
-Өв уламжлал, ёс заншлаас суралцах,
-Ном унших,
-Музей үзэх
-Кино, жүжиг үзэх,
-Урлаг, спортын чөлөөт арга хэмжээнд оролцох гэх мэтийг өдөрт 30-40 минут хийхээр төлөвлөнө.
- Ахлах анги /10-12-р анги/:
-Сайн дурын ажилд оролцох,
-Байгаль орчноо хамгаалах зорилтот ажил хийх,
-Ажил мэргэжлийн чиг баримжаа олгох сургалтад суух,
-Төсөлт ажилд хамрагдах,
-Гамшиг, эрсдэлээс өөрийгөө болон бусдыг хамгаалах талаар суралцах,
-Өв уламжлал, ёс заншлаас суралцах,
-Ном унших,
-Музей үзэх,
-Кино, жүжиг үзэх,
-Урлаг, спортын чөлөөт арга хэмжээнд оролцох гэх мэтийг өдөрт 30-40 минут хийхээр төлөвлөнө.
Харин орон нутгийн сурагчид болон малчин өрхийн хүүхдүүд “Малчны нэг өдөр”, “Өвөлжилтийн бэлтгэл”, Манай намаржаа/хаваржаа”, “Миний нутгийн байгалийн үзэмж” гэх мэт агуулгын хүрээнд тэмдэглэл хөтлөх, богино бичлэг хийх, зураг авч бусдадаа танилцуулах байдлаар бие даалтаа төлөвлөж, хийх боломжтой.
Х.ТҮШИГ