Halloween-ий баяраар гэр бүлээрээ үзэхэд тохиромжтой таван кино

Монголчуудын хувьд нэг үеэ бодвол хүүхэд залуусын сонирхролыг хүндэтгэдэг болсон нь харагддаг. Энэхүү баярыг дэлхий нийтэд тэмдэглэдэг ч монголд төдийлөн авч хэлэлцдэггүй байсан цаг саяхан. 

Аймшгийн дүрд хувирсан хүүхдүүд хаалга тогшин чихэр цуглуулахаас эхлээд аймшгийн баярыг хөнгөн, хөгжилтэй тэмдэглэж өнгөрүүлэх нь яагаад байж болохгүй гэж. Тэр ч утгаараа гэр бүлийн халуун дулаан, хөгжилтэй уур амьсгалыг бий болгох дараах кинонуудыг санал болгож байна. 

“Hocus Pocus” (1993) — Шулмуудын тухай уг кино нь хүүхэд гэлтгүй насанд хүрэгчдийн ч сонирхолыг татдаг хэвээрээ. Hocus Pocus бол 1993 онд гарсан Halloween баярт зориулсан инээдмийн, аймшгийн кино бөгөөд шидтэн эгч нарын сэргэлт, тэдний эргэн тойронд өрнөх хөгжилтэй, адал явдлуудыг харуулдаг.

Сандерсоны эгч нарыг Макс, түүний дүү Дани, найз Эллисон нарын хамт зогсоохыг оролддог бөгөөд тэднийг буцааж хорихын тулд хөгжилтэй бөгөөд эв хавгүй тэмцэл өрнөдөг. Кинонд хөгжилтэй, хүүхдүүдэд айдас төрүүлэхгүйгээр Halloween-ий уур амьсгалыг бүрдүүлсэн үйл явдлууд гардаг тул гэр бүлээрээ үзэхэд тохиромжтой болсон.

Кино нь 1993 онд гарахдаа төдийлөн амжилт олоогүй ч жил ирэх тусам Halloween баярын гол уламжлалт бүтээлүүдийн нэг болон алдаршсан юм.

“The Addams Family” (1991) болон “Addams Family Values” (1993) — Addams-ийнханы өвөрмөц хошин байдал болон, ер бусын түүхийн өгүүлэмжийг үзүүлсэн тул Halloween баярт тохирсон, гэр бүлийн сонирхолтой комеди бүтээл болсон юм.Уг кинонд Addams-ийн гэр бүл шинэ гишүүн болох нялх Пуберт хүүтэй болж байгаа тухай гарна. Гэхдээ гэр бүлд нь тэдний шинэ асрагч Дэбби Желинский (Жоан Кьюсак) ирснээр асуудал үүсдэг. Дэбби бол баян хүмүүсийн хөрөнгийг залилж, тэднийг хөнөөдөг цуврал гэмт хэрэгтэн бөгөөд Фестерийг өөртөө дурлуулахыг оролддог.

“Casper” (1995) — Найрсаг сүнс Касперын тухай уг кино хүүхдүүдэд маш таалагдах ба аймшгийн бус сэдвээр хөгжилтэй, зөөлөн үйл явдлууд өрнөдөг.

“Hotel Transylvania” цуврал  Hotel Transylvania цуврал нь анх 2012 онд нээлтээ хийсэн бөгөөд хүмүүст найрсаг, хөгжилтэй аймшигт амьтад оролцсон инээдмийн анимэйшн юм.

Цуврал нь дэлхийн өнцөг булан бүрээс ирсэн чөтгөрүүд, сүнснүүд, болон аймшигт амьтдын зорин ирдэг Дракулагийн тусгай зочид буудлын үйл ажиллагааг харуулдаг. Дракула охин Мависийнгээ хүмүүстэй холбоотой болохоос хамгаалахыг хичээдэг ч, энгийн хүний хүү Жонни зочид буудалд ирснээр үйл явдал өрнөдөг.

Цувралын дараагийн ангиуд болох Hotel Transylvania 2 (2015), Hotel Transylvania 3: Summer Vacation (2018), болон Hotel Transylvania: Transformania (2022) нь Дракулагийн гэр бүл, найз нөхдийн харилцаа, шинэ адал явдлуудыг харуулдаг.

Эдгээр нь хүүхдүүд болон томчуудад зориулсан хөгжилтэй, халуун дулаан уур амьсгалтай тул Halloween-ий баярт хамгийн тохиромжтой бүтээлүүдийн нэг юм.

“Monster House” (2006) — Monster House (2006) нь хүүхдүүд болон залуу үзэгчдэд зориулсан, адал явдалт, бага зэрэг аймшгийн элементтэй анимэйшн кино юм.

Киноны үйл явдал нь DJ хэмээх хүү болон түүний найзууд болох Чаудер, Женни нарын адал явдлаар өрнөдөг. Тэдний хөршийнх нь аймшигтай байшин өөрийн гэсэн амьдралтай мэт сэжиг төрүүлж эхэлснээр хүүхдүүд уг байшингийн нууцыг тайлахаар зорьдог. Байшин нь өөрийг нь шиншилсэн хэнийг ч залгиж чадах хүчирхэг зүйлсээр дүүрэн байдаг тул DJ болон түүний найзуудын эрэл хайгуул нилээд эрсдэлтэй, хачирхалтай болдог.

Эдгээр кинонууд нь Halloween баярын уур амьсгалд тохиромжтой бөгөөд бага зэрэг аймшигтай хэрнээ хөгжилтэй хором мөчийг гэр бүлээрээ өнгөрөөхөд тусална. Хэрэв жинхэнэ аймшиг, айдаст дуртай бол та өөрийн сонирхсон төрлийн киног сонгон үзэх нь ч зөв байж мэднэ. 

Хэрэв та хүсвэл, Jaws (1975), Halloween (1978), The Shining (1980), Psycho (1960) зэрэг киноноос сонгон үзэж болох юм.

А.БАЯР