УИХ-ын чуулганы Пүрэв гарагийн (2024.10.31) нэгдсэн хуралдаан үргэлжилж байна. Хуралдаанаар Цөмийн энергийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж буй юм.
УИХ-ын 126 гишүүнээс 65 гишүүн ирснээр 51.6 хувийн ирцтэйгээр чуулганы хуралдаан эхлэсэн. Ирц ийм бага байгаа нь иргэдийн шүүмжлэлийг дагуулж байна.
УИХ-ын дарга Д.Амарбаясгалан мэдэгдсэний дагуу гишүүдийн ирцийн мэдээллийг parliament.mn цахим хуудаст байршуулж эхэлсэн. Уг мэдээллээс харахад дараах гишүүд гадаадад томилолттой явна.
Тодруулбал, УИХ-ын гишүүн Т.Аубакир, Н.Наранбаатар, Э.Бат-Амгалан, П.Батчимэг, Ц.Туваан, Б.Тулга, Б.Уянга, А.Ганбаатар, Х.Ганхуяг, Г.Дамдинням, Ө.Шижир, Б.Заяабал нарыг “томилолт /гадаад/” хэмээн тэмдэглэжээ.
Х.ТҮШИГ
