Засгийн газраас хэрэгжүүлж буй Шувуу ажиллагааны талаар ХЗДХ-ийн сайд Х.Нямбаатар дараах мэдээллийг өглөө.
Тэрбээр “Засгийн газрын өчигдрийн хуралдааны үеэр “Шувуу” ажиллагааг эрчимжүүлэх, эл ажиллагаанд иргэд олон нитийн оролцоог нэмэгдүүлэх чиглэлээр мөнгөн урамшуулалтай болгох шийдвэр гарсан.
Өөрөөр хэлбэл, гэмт хэрэг үйлдээд, хэрэг бүртгэл, мөрдөн байцаалтын шатанд оргон зайлсан. Ялангуяа гадаад улсад ажиллаж амьдарч байгаа хүмүүсийн талаарх мэдээллийг 11-11 төвд мэдээлсэн, тухайн мэдээлэл нь батлагдсан тохиолдолд 10 мянган ам.доллароор урамшуулах шийдвэр гарсан” гэлээ.
