“Цемент шохой” ТӨХК-ийн Гүйцэтгэх захирал Л.Наранбаатарын албан өрөө болон гэрт нь хуулийн байгууллагаас нэгжлэг хийж байгаа гэх мэдээлэл байна. Хэдхэн хоногийн өмнө аудитын шалгалтаар төрийн өмчит компанийн хөрөнгийг зориулалтын бусаар зарцуулсан гэх сөрөг дүгнэлт гарсан. Харин түүний хувьд аудитын дүгнэлттэй санал нийлэхгүй байгаагаа мэдэгдэж байсан юм. Тэгвэл Л.Наранбаатарыг Эрүүгийн хуулийн 22.1 дэх заалт буюу Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж, эсхүл зориуд хэрэгжүүлэхгүй байж өөртөө, эсхүл бусдад давуу байдал бий болгосон гэх үндэслэлээр шалгаж эхэлсэн бололтой.
