Хүний амь хөнөөсөн хэргээр ял эдэлж буй Б.Махбалын Хөгжлийн банкны шүүх хуралд оролцож байгаа зургийг цахим сүлжээнд тавьж, “Хүний амь хөнөөсөн этгээдийг суллачихсан байна” хэмээн шүүмжилж байна. Тэгвэл үүнд шүүхээс дараах тайлбарыг гаргажээ.
Тайлбарт “Сүхбаатар дүүргийн Эрүүгийн хэргийн анхан шатны шүүхэд хянагдаж буй “Хөгжлийн банк”-ны гэх тодотголтой нэр бүхий 80 шүүгдэгч, 4 хуулийн этгээдэд холбогдох эрүүгийн хэргийн шүүх хуралдаан 2023 оны 04 дүгээр сарын 17-ны өдрийн 08:30 цагт эхэлсэн бөгөөд уг эрүүгийн хэрэгт хоригдол Б.Махбал нь шүүгдэгчээр оролцож байгаа тул ял эдэлж байгаа хорих ангиас Шүүхийн шийдвэр гүйцэтгэх газрын харьяа 461 дүгээр хаалттай хорих ангид шилжүүлэн цагдан хорьсон бөгөөд уг хорих ангиас хуяглан хүргэлтээр ирж шүүх хуралдаанд оролцож байна” гэжээ.
