Вьетнамын Вин Фукт болж буй клубуудын Азийн аварга шалгаруулах волейболын тэмцээнд манай улсын эмэгтэй шигшээ багийн тамирчид “Хөвсгөл эрчим” клубын нэрээр оролцож байгаа билээ. Тэмцээн дөрөвдүгээр сарын 25-наас тавдугаар сарын 02-ныг хүртэл үргэлжлэх юм.
Өнөөдөр манай баг монголын цагаар 14:30 цагаас Тайландын “Daimond food” клубтэй тоглоно.
Тоглолтын шууд дамжуулалтыг TrucTiepBongChuyen youtube хуудсаас үзэх боломжтой.
Сануулахад, Манай шигшээ баг эхний тоглолтоо БНХАУ-тай хийж, 0:3 харьцаагаар ялагдсан. Казакстаны “Altay” клубт мөн 0:3 хожигдсон. Харин өчигдөр Хонгконгийн клубтэй тоглож, 3:1 харьцаагаар анхны хожлоо аваад буй. Ингээд нийт хоёр хожигдол, нэг хожилтой байгаа.
Харин Тайландын багийн тухайд, Казакстанд 2:3 хожигдсон, Хонгконгийг 3:0 хожсон. Нийт нэг хожил, нэг хожигдолтой яваа юм.
Тус багийн мэдүүлгийг харахад, тамирчдын дундаж нас 26, дундаж өндөр 175 см байна.
Тамирчдын мэдээлэлтэй танилцана уу.
