Нэмэлт хүч илгээлээ

Зэвсэгт хүчний томилгоот бүлгүүд өнөөдрийн байдлаар 17 аймагт гамшиг ослын хор уршгийг арилгах, малчдад дэмжлэг үзүүлэх зорилготой үүргээ гүйцэтгэсээр байна.

Зарим аймагт цас, зудын гамшгийн нөхцөл байдал хүндэрсэн тул өнөөдөр Дорнод, Сүхбаатар, Төв аймгийн 15 суманд Зэвсэгт хүчний 11 ангийн нийт 200 гаруй цэргийн алба хаагчийг 21 тээврийн хэрэгсэлтэйгээр хүч нэмэгдүүлэн ажиллуулахаар боллоо.