"Эрэн хайх ажиллагаа"-нд үүрэг гүйцэтгэлээ

Баян-Өлгий аймгийн Дэлүүн сумын Хүйтэн буйр багийн “Төгрөг” гэх газарт энэ сарын 12-ны өдрийн 20:30 цагийн үед уулын цасан нуранги үүсч 26 настай иргэн А цасанд дарагдаж ор сураггүй алга болсон.

Цасан нурангийн урт нь 400 метр, өргөн нь 30 метр гүн нь 2-оос 5 метрийн уулын цасны нуранги үүссэн.

Эрэн хайх аврах ажиллагааг 13-ны өдрөөс аймгийн ОБГ болон орон нутгийн иргэдтэй хамтран хайж эхэлсэн юм.

Зэвсэгт хүчний Жанжин штабын даргын тушаалаар 15-ны өдрөөс эрлийн ажиллагааг хүч нэмэгдүүлэн Зэвсэгт хүчний 331 , 340 дүгээр ангиудаас эрэн хайх бүлэг 4 нэгж техниктэй гарч, аймгийн төрийн цэргийн болон хууль сахиулах байгууллагуудтай хамтран үүрэг гүйцэтгэлээ.

Хунгарласан цасыг ухаж, нэгжин самналт явуулж улмаар 17-ны 16:05 цагт цасан нурангид дарагдсан иргэний цогцсыг нуранги үүссэн газраас 400 метрийн зайд 4 метрийн гүнээс олж аймгийн Онцгой байдлын газарт хүлээлгэн өглөө.