“Бага ангийн сурагчдын унших чадвар, түүнийг хөгжүүлэх арга зүй” сэдэвт хэлэлцүүлэг болно

“Бага ангийн сурагчдын унших чадвар, түүнийг хөгжүүлэх арга зүй” сэдэвт хэлэлцүүлэг энэ сарын 19-ний өдөр болно. Энэхүү хэлэлцүүлгийг МУБИС-ийн Багшийн сургуулийн Монгол хэл, нийгмийн ухааны тэнхимээс зохион байгуулж байна.

Зорилго нь "бага ангийн сурагчдын унших чадварын өнөөгийн түвшин, энэ чиглэлээр хийсэн олон улсын болон үндэсний хэмжээний судалгаануудын үр дүн, бага ангийн сурагчдын унших чадварыг хөгжүүлэхэд багш бэлтгэдэг их дээд сургуулиудын оролцоо, хамтын ажиллагааг сайжруулах, цаашдын судалгааны чиглэл, үр дүн, сурагчдын унших чадварыг хөгжүүлэхэд талуудын оролцоог хангах боломжийг эрэлхийлэх" аж.

Уг хэлэлцүүлэгт  багш бэлтгэдэг их дээд сургуулийн эрдэмтэн багш нар, Боловсролын судалгааны үндэсний хүрээлэн, Боловсролын үнэлгээний төв, Нийслэлийн боловсролын газар болон ЕБС-ийн багш нар оролцох боломжтой. Дэлгэрэнгүй мэдээллийг дараах хөтөлбөрөөс харна уу.