ОХУ-ын гал эсэргүүцэх албаны академид суралцаж байгаа сонсогч, суралцагчидтай уулзав

ОБЕГ-ын дарга, хошууч генерал Г.Ариунбуян тэргүүтэй Монгол Улсаас Оросын Холбооны Улсад суугаа Элчин сайдын яамны Батлан хамгаалахын атташе, бригадын генерал П.Жаргалан нар ОХУ-ын Онцгой байдлын яамны харьяа Гал эсэргүүцэх албаны академид зочилж, Монгол улсаас суралцаж байгаа сонсогч, суралцагчидтай уулзлаа.

Онцгой байдлын албанаас 46 сонсогч, суралцагч бакалавр, магистрын зэрэг олгох хөтөлбөрт суралцаж байна.

Уулзалтын үеэр тус академийн сонсогч, суралцагч нарын боловсрол, үйлчилгээ, амьдрах орчин, спортын үйл ажиллагааны мэдээлэл сонслоо.

Хошууч генерал Г.Ариунбуян хэлсэн үгэндээ “Эх орныхоо тэр тундаа Онцгой байдлын албаныхаа нэрийг өндөрт өргөж байгаа сонсогч, суралцагчдадаа амжилт хүсч,

сургуулийн удирдлага, багш нарт мэргэжил дээшлүүлэх сургалтыг чанарын өндөр түвшинд зохион байгуулж байгаад талархал илэрхийлье” гэлээ.

Мөн тэрбээр академийн төгсөгчид Онцгой байдлын салбарын чухал боловсон хүчин болж байгааг онцолсон юм.