Түүхий нүүрс түлж байгаа эсэхийг тусгай техник хэрэгсэл ашиглан шалгаж байна

Иргэдийг түүхий нүүрс хэрэглэж буй эсэхийг шалгаж эхэлжээ.

Тодруулбал, Монгол Улсын Засгийн газрын 2018 оны 62 дугаар тогтоолоор агаарын бохирдлыг бууруулах зорилгоор түүхий нүүрс хэрэглэхийг хориглосон.

Уг тогтоолын хэрэгжилтийг хангахаар цагдаа, дотоодын цэргийн анги, байгууллагаас 1707, бусад байгууллагаас 615, нийт 2322 алба хаагч, ажилтнууд гэр хорооллын айл өрх, аж ахуйн нэгж, байгууллагуудаар хяналт, шалгалт хийж, мэргэжлийн байгууллагуудтай хамтран иргэдэд зөвлөгөө өгч буй аж.

Мөн Улаанбаатар хот руу орох, гарах 15 цэг болон өндөрлөг 26 цэгт, 77 алба хаагч тусгай техник хэрэгсэл ашиглан хяналтаар ажиллаж эхэлжээ.