Хөдөлмөр, халамжийн үйлчилгээний салбарын албан хаагчид авлигын эсрэг сургалтад хамрагдав

Авлигын эсрэг үйл ажиллагааны төлөвлөгөөний дагуу Авлигатай тэмцэх газартай хамтран Хөдөлмөр, халамжийн үйлчилгээний салбарын албан хаагчдад авлигын гэмт хэргээс урьдчилан сэргийлэх сургалтыг 2024 оны зургаадугаар сарын 4-ний өдөр зохион байгууллаа.

Сургалтад Хөдөлмөр, халамжийн үйлчилгээний газар болон 21 аймаг 9 дүүргийн удирдах болон гүйцэтгэх 692 албан хаагчид хамрагдаж Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн талаарх мэдээлэл авав.