Хятад улсын Оросоос импортлох нүүрсний хэмжээ санкци, үнийн уналтаас болж буурч байна

БНХАУ-ын нүүрсний дотоодын эрэлт тогтвортой өсч байгаа ч, ОХУ-аас импортлох хэмжээгээ багасгаж, оронд нь Австрали, Монгол улсаас импортлож байгааг (БНХАУ-ын гаалийн тоон мэдээллээр) Москва Таймс энэ сарын 21-нд мэдээллэсэн. Олон тэрбум долларын алдагдалтай, нүүрсний компаниуд олноор дампуурал зарлахад хүрээд байсан Оросын нүүрсний зах зээлд энэхүү өөрчлөлт нь томоохон цохилт болж байгаа юм.

МоскваТаймсын мэдээллэснээр, 2024 оны Хятадын нүүрсний импортын хэрэгцээ өмнөх жилүүдээс 14%-иар нэмэгдсэн ч, ОХУ-аас импортлох хувь багассан байна. 2024 онд Монгол улсын БНХАУ-д экспортлох нүүрсний хэмжээ 18%-иар, Австрали улсынх 60%-иар тус бүр өссөн байх боловч ОХУ-ынх 7% буурсан үзүүлэлттэй байна. ОХУ-ын Эрчим хүчний яамны харъяа судалгааны хүрээлэн болох АЦ ТЕК нь 2024 оны эхний хагасын тооцоолллоор нүүрсний салбарт эрсдэл тулгарч буйг ноцтойгоор сануулж байсан билээ.

Өрнийн орнуудаас тавьсан хориг арга хэмжээ (санкци), дорнодод тээвэрлэх тээврийн дэд бүтцийн хангалтгүй байдал болон Хятад улсын зүгээс Оросоос импортлох нүүрсэнд ногдуулж буй татварын хэмжээ зэрэг шалтгааны улмаас тус салбарт хүндрэл үүсч байна. Хэдийгээр хоёр улсын хоорондын эдийн засгийн харилцаа хөгжиж байгаа ч, барууны орнуудаас тавьсан хориг арга хэмжээнүүд нь Орос-Хятад хоорондын худалдаанд томоохон саад учруулж байгаа юм.

Эх сурвалж: https://kyivindependent.com/russian-coal-imports-to-china/