Ч.Номин: Олон хүүхдэд тусаа өгөх сайн өдөр удахгүй ирнэ

УИХ-ын чуулганы нэгдсэн хуралдаанаар Монгол Улсын 2025 оны төсвийн төслийг хэлэлцэж буй билээ. 

Өнгөрсөн долоо хоногт төсвийн хоёр дахь хэлэлцүүлгийг хийх үеэр Соёл, спорт, аялал жуулчлал, залуучуудын сайд Ч.Номингийн багцад тусгасан 18.3 тэрбум төгрөгийн асуудал маргаан дагуулсан.

Тодруулбал, Соёл, спорт, аялал жуулчлал, залуучуудын сайд Ч.Номингийн багцад хүүхэд залуучуудад соёлын үйлчилгээ үзүүлэх зорилгоор “эрхийн бичиг“ төрөөс үнэгүй олгох 18.3 тэрбум төгрөгийн зардал тусгасан байгаа юм. Үүнийг иргэд шүүмжилсээр буй. 

Харин энэ талаар Соёл, спорт, аялал жуулчлал, залуучуудын сайд Ч.Номин “За тэгээд цаг хугацаа зөв буруу эсэхийг тос усаар нь ялгаад өгөх байх аа. Зөв зүйтэй зүйл гэдгийг ойлгох өдөр ирэх байх. Миний зүгээс мэдээлэл дутуу өгч байгаа алдаа бол бий. Ажлынхаа хэрэгжилт дээр нь онцгой сайн анхаарч олон хүүхдэд тусаа өгөх сайн өдөр удахгүй ирнэ гэж итгэж байна” хэмээн байр сууриа илэрхийлжээ. 

Х.ТҮШИГ