О.Алтангэрэл: MCS группийн хэлтсийн дарга З.Төрмандахыг саатуулсан нь үнэн, хэн ч хуулийн дээгүүр алхаж болохгүй

MCS группийн хэлтсийн дарга З.Төрмандахыг гүйцэтгэх ажиллагаа явуулан өчигдөр (2025.02.18) баривчилсан асуудлаар Хууль зүйн сайд О.Алтангэрэл мэдээлэл өглөө.

Нэр бүхий хүмүүс саатуулагдсан. Монгол Улсын төр, хууль хяналтын байгууллагууд хуульд заасны дагуу тусгай ажиллагаа явуулдаг. Энэ нь Монгол хүний эрх, эрх чөлөөг хамгаалдаг эд. Гэтэл хувийн ААН хууль бусаар гүйцэтгэх ажиллагаа явуулсан. Төрийн нууцыг хууль бусаар олж авсан. Өөрөөр хэлбэл, хувийн ААН байгууллага дэргэдээ тусгай байгууллагатай байсан. Улмаар хэдэн этгээдүүдийг саатуулж шалгаж байна.

Монгол Улсад ямар ч мөнгөтэй байлаа гээд хувийн ААН гүйцэтгэх ажиллагаа явуулж болохгүй. Төрийн нууц хуулиар хамгаалагдана. Хэн ч Монгол төрийн нууц, хуулийн дээгүүр алхаж болохгүй. 
Гүйцэтгэх ажлын тусгай техник хэрэгсэл ашиглаж болохгүй. хэвлэлээр зарлаж буй MCS группийн хэлтсийн дарга З.Төрмандахыг саатуулсан нь үнэн.