Түймэр унтраахад дэмжлэг үзүүлэхээр "үүл буудаж" эхэллээ

Түймэр унтраах үйл ажиллагааг дэмжих зорилгоор Дорнод, Сүхбаатар аймгийн нутгаар цаг агаарт зориудаар нөлөөлөх үйл ажиллагааг эхлүүлжээ.

Тодруулбал, Сүхбаатар аймгийн УЦУОШТөвийн дарга Х.Энхбаяраар ахлуулсан Шарга бороо-2 экспедиц аймгийн Асгат, Сүхбаатар, Баруун-Урт сумын зааг нутгаар үүлэнд нөлөөлснөөр нойтон цас 2 цаг оржээ. Өглөөний 08 цагийн байдлаар Баруун-Урт суманд 0.3мм, Баяндэлгэр суманд 0.0 мм,  Асгат суманд 0.0 мм хур тунадас нойтон цас ороод байна. Өнөөдөр (2025.03.1) Эрдэнэцагаан, Сүхбаатар суманд үргэлжлэн ажиллах юм.