"Монгол Улсад сонгууль шударга бус явдаг гэдгийг харуулсан кино хийж байсан"

Ноорог.мн сайтад өнгөрсөн шөнө /2025.03.17-2025.03.18/ хойшлуулшгүй ажиллагаа хийж ажлын хэрэгсэл, хард, утас гэх мэт зүйлсийг хурааж оройны 22:00 цагаас өглөөний 05:00 цаг хүртэл ажилчдаас мэдүүлэг авчээ. Ингэхдээ Эрүүгийн хуулийн 19.9.1 заалтыг үндэслэж, хойшлуулшгүй, гүйцэтгэх ажиллагаа явуулжээ. Иймд тус сайтын ажилчдын зүгээс Цагдаагийн Кибер гэмт хэрэгтэй тэмцэх хэлтсийн гадна мэдээлэл өглөө. 

О.Уламбаяр "Монгол Улсад сонгууль ямар хэмжээнд шударга бус явдаг вэ гэдгийг хангалттай харуулж чадахуйц киног бид хийж байсан. Тус киноны нийт 14 терабатт дүрс бүгдээрээ энэ дотор байгаа. Хамгийн инээдтэй нь гомдол гаргагчийг бидэнд хэлсэн. Гомдол гаргагч нь кибер гэмт хэрэгтэй тэмцэх хэлтэс рүү "Манай хийдэг бичлэгээс болоод хүн амиа хорлох гээд байна" гэдэг гомдол гаргасан. Үүнийг ахлах мөрдөн байцаагч нь өөрөө танилцуулсан. Тэр хүн нь улстөрч биш. Зохиомол нэртэй хүн байсан. Зохиомол нэртэй хүн фейсбүүк чатаар гомдол гаргасны төлөө шөнө гүйцэтгэх ажиллагаа явуулаад хойшлуулшгүй журмаар барьчихсан байна" хэмээв.