Хониндоо яваад сураггүй болсон 30 настай эмэгтэйг эсэн мэнд олжээ

Хониндоо яваад сураггүй болсон 30 настай эмэгтэйг эсэн мэнд олжээ.

Тодруулбал, Сүхбаатар аймгийн Сүхбаатар сумын Баян гол багийн "Цов" гэдэг газар /аймгийн төвөөс зүүн зүгт 100 км, сумын төвөөс зүүн урд зүгт 50 км/ иргэн Э /30 настай, эмэгтэй/ 03.24-ний өдрийн 17:00 цагийн орчимд гэрээсээ хойд зүгт хониндоо явганаар гараад сураггүй алга болсон тухай дуудлагыг гуравдугаар сарын 25-ны  06:10 цагт Онцгой байдлын байгууллага хүлээн авсан байна.

Улмаар тус аймгийн Онцгой байдлын газрын алба хаагчид иргэн Э /30 настай, эмэгтэй/-ыг эрэн хайх ажиллагааг зохион байгуулж 12:40 цагт Асгат сумын Дөхөм багийн “Хутаг-Уул” гэдэг газар /гэрээс нь баруун зүгт 15 км/-аас эсэн мэнд олсон.