УИХ-ын гишүүн Ц.Мөнхтуяаг хүүхдүүдийг хөдөө явуулаад, хандиваар авсан байранд хоёр багшаа амьдруулдаг байсан гэв

 Багш Б.Идэржавхлан УИХ-ын гишүүн Ц.Мөнхтуяагийн талаар мэдээллийг ил болгож, дахин шүгэл үлээлээ. 

Тодруулбал, УИХ-ын гишүүн Ц.Мөнхтуяа бүтэн өнчин дөрвөн хүүхдэд хандив цуглуулж байр авч өгсөн ч өөр хүний нэр дээр шилжүүлсэн байсан нь өмнө нь ил болсон. Үүгээр зогсохгүй тэрбээр дөрвөн хүүхдийн гурвыг нь Сэлэнгэ аймгийн Мандал сум руу сургуульд явуулж, дотуур байранд нь амьдруулдаг байсан гэх мэдээлэл гарч эхэллээ. 

Энэ талаар багш Б.Идэржавхлан "Хов болох вий.

Нөгөө яалаа даа, 4 хүүхдэдээ байрыг нь өгүүлээд. Тэгээд засал хийх талаар ярилцаад байж байсан чинь хоёр дүү нь гэртээ сургуульгүй байж байна. Юу болсон гэсэн чинь эгч нь "Гишүүн аниа маань 3 дүүг нь зүүн хараа руу дотуур байртай сургууль руу явуулаад, эгчээс нь байрыг нь аваад хоёр багшийгаа амьдруулж байсан байдаг юм даа. Тэгээд эгчийг нь хүртэл байранд нь оруулахгүй.

Тэр лайв дээр "Хөөж явуулаад ядарсан багшийгаа оруулна" гэдэг нь зүгээр нэг хэлчихсэн үг биш, бүр хийчихсэн үйлдэл байсан байгаа биз.

Тэгээд жилийн дараа нэг юм арай хийж 3 дүүгээ авч ирж байрандаа орсон байгаа юм шүү дээ. Тэгээд ирсэн боловч хоёр дүү нь сургуульгүй. Хаяггүй учраас. Саяхан бага дүүгийн хувийн хэргийг Сэлэнгээс очиж шилжүүлж авч ирсэн.

Одоо 2 дүүг нь сургуультай болгох гээд хөөцөлдөж байгаа. 

Энэ тэгээд гишүүн аниагийн ариун шударга ёс зүй нь л байх даа.

Ингэх эрх тэр хүнд байгаа бил үү?

Ер нь Ц.Мөнхтуяа танд гэж хэлэхэд энд тэнд очихоороо "Боловсрол, Багш, хүүхэд" гэдэг 3 үгийг л ахиж битгий ярь.

Унаад босож яваа салбарыг минь улам муухай болгоод байна" хэмээн цахим хуудастаа бичжээ.

Харин үүнд УИХ-ын гишүүн Ц.Мөнхтуяа "За уучлаарай. Би бас хүүхдийн нэр төр гэж зөндөө л чимээгүй явсан. Надад хажууд дэргэд хамт байсан гэрчлэх олон багш нар байгаа шүү.

Би буяндаа бузар хийдэг булай амьтан биш . Амныхаа зоргоор их мэдэмхийрч байх шив" хэмээн тайлбар хэллээ.