Хүний амь аварсан Т.Цэнд-Аюушийг "Цагдаагийн гавьяа" тэмдгээр шагналаа

Дорноговь аймгийн Замын-Үүд сумын хэв журмын цагдаа дэд ахлагч Т.Цэнд-Аюуш албан үүргээ гүйцэтгэтгэж яваад бусдын амь насыг аварсан.

Тодруулбал, Дорноговь аймгийн Замын-Үүд сумын хэв журмын цагдаа дэд ахлагч Т.Цэнд-Аюуш өнгөрсөн дөрөвдүгээр сарын 20-нд гараа гэмтээж их хэмжээний цус алдаж байсан иргэнд анхан шатны тусламж үзүүлэн, хиймэл амьсгал хийн амь насыг нь аварсан юм. Улмаар тус иргэний ар гэрийнхэн Т.Цэнд-Аюушд талархлаа илэрхийлэн цахим хуудастаа мэдээлэл оруулсан. 

Үүнтэй холбогдуулан хүний амь аварсан Т.Цэнд-Аюушийг ЦЕГ-ын даргын тушаалаар "Цагдаагийн гавьяа" тэмдгээр шагналаа.

Энэхүү шагналыг онцгой гавьяа байгуулсан алба хаагчид олгодог аж.