Лхагва гарагт бүх нийтээр амарна

"Эмэгтэйчүүдийн эрхийг хамгаалах олон улсын өдөр" энэ лхагва гарагт буюу гуравдугаар сарын 8-нд тохиож байна.

Тиймээс нийтээр тэмдэглэх баярын болон тэмдэглэлт өдрүүдийн тухай хуульд заасны дагуу бүх нийтээр амрах юм.

Дэлхий даяар энэ өдрийг өмнө нь олон улсын ажилчин эмэгтэйчүүдийн өдөр хэмээн тэмдэглэдэг байжээ. Улмаар улс орнууд бүх нийтийн баярын өдөр болгосноор эмэгтэйчүүдийн эдийн засаг, улс төр, нийгэмд эзлэх байр суурийг бэхжүүлэхэд анхаарах зэргээр янз бүрээр тэмдэглэдэг болсон байна.

Харин манай улсын тухайд жил бүрийн энэ өдөр эмэгтэйчүүдийн эрхийн талаар хэлэлцэж, салбартаа тэргүүлсэн үлгэр жишээ эмэгтэйчүүдийг шагнадаг.