“Автомашингүй өдөр”-өөр эрүүл мэндийн байгууллагууд үзлэг хийж, зөвлөгөө өгнө

Энэ Бямба гарагт /2025.09.13/ “Автомашингүй өдөр-2025” үйл ажиллагааг “Эрсдэлгүй-эрүүл орчныг хамтдаа” уриан дор зохион байгуулна. Автомашингүй өдрөөр соёл, урлагийн тоглолт, спортын үйл ажиллагаа зохион байгуулагдана. Мөн Нийслэлийн эрүүл мэндийн газрын харьяа байгууллагууд, хувийн хэвшлийн эрүүл мэндийн байгууллагууд амны хөндийн эрүүл мэндийн үзлэг, чихрийн шижингийн илрүүлэг, цусны даралт ихсэх өвчний зөвлөгөө, сүрьеэгийн илрүүлэг, дасгал хөдөлгөөний зөвлөгөө, эрүүл хооллолтын зөвлөмж мэдээлэл өгөх юм.

Энэ өдөр 7:00-18:00 цагийн хооронд дараах байршлуудад замын хөдөлгөөнийг хязгаарлах бөгөөд зах худалдааны төвүүдийг хаана. Тодруулбал, Бөмбөгөр-1, Бөмбөгөр-2, Юмт, Содон, Алтжин бөмбөгөр, Нарантуул худалдааны төв, Дүнжингарав худалдааны төв, Өгөөмөр зах, Сандэй плаза ХТ, Шөнийн зах, Баянзүрх ХТ, Баянзүрх-2 ХТ, 100 айл орчмын барилгын материалын бүх дэлгүүр, Барс-1, 2 худалдааны төв, Хархорин, Шинэ сандэй, Ханталст, Да хүрээ зах, Цайз, Цолмонбадрах, Доной модны зах, Нарлаг дэнж, Нарантуул-2 зах ажиллахгүй.

“Автомашингүй өдөр”-өөр дараах гудамж, замуудыг хаана. Тодруулбал,

• Жанжин Д.Сүхбаатарын талбай (Д.Сүхбаатарын гудамж, Их сургуулийн гудамж) 
• Сөүлийн гудамж,
• Чоймболын гудамж,
• Бөмбөгөр худалдааны төвийн уулзвар,
• Жуулчны гудамж, Баруун сэлбийн гудамж,
• Төмөрчний гудамж, Гэсэр сүмийн уулзвар,
• Самбуугийн гудамж,
• Анкарагийн гудамж,
• Бага тойруу,
• Бээжингийн гудамж,
• Залуучуудын гудамж,
• Сансарын туслах замаар Энхтайваны өргөн чөлөөний Зүүн дөрвөн замын уулзвараас Баруун дөрвөн замын уулзвар,
• Чагдаржавын гудамж,
• С.Зоригийн гудамж,
• Элчингийн гудамж,
• Олимпийн гудамж,
• Гэндэнгийн гудамж,
• Д.Чойдогийн гудамж,
• С.Жамъяан гүний гудамж,
• Чингисийн өргөн чөлөөний Монголын хүүхдийн ордны уулзвараас Монгол шуудангийн уулзвар болон дотогш замуудыг хаана.

Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс