Багш нар дээр нэмж, өнөөдрөөс эмч нар АЖИЛ ХАЯНА

Багш нар үндсэн цалингаа 3.5 сая төгрөгт хүргэхийг шаардаж, ажлаа хаяж, төв талбайд суусаар буй. Тэдэн дээр нэмэгдэж, эмч, эмнэлгийн ажилчид суулт зарласан ч төдийлөн амжилт олоогүй байгаа юм. 

Тэгвэл эмч, эмнэлгийн ажилчид өнөөдрөөс (2025.10.27)  ажил хаялт зарлахаа мэдэгдлээ. 

Тодруулбал, Монголын эрүүл мэндийн ажилтны үйлдвэрчний эвлэлийн холбоо өнөөдөр 12:00 цагаас Сүхбаатарын талбайд хэвлэлийн хурал зохион байгуулахаар болжээ. Салбарын эмч, сувилагч, ажилтнууд долоо хоногийн турш суулт хийсэн ч төр засгаас тодорхой арга хэмжээ аваагүй тул тэмцлийн дараагийн шат болох ажил хаялт зарлахаар болсон нь энэ аж.