Волейболын дээд лигийн тоглолт өнөөдөр эхэлнэ

Монголын волейболын холбооны Үндэсний дээд лигийн тэмцээний нээлтийн тоглолт өнөөдөр /2025.11.03/ болно. Энэ удаагийн лигт эрэгтэй, эмэгтэй тус бүр найм, нийт 16 баг өрсөлдөхөөр мэдүүлэг өгчээ.

2025-2026 оны улиралд эрэгтэйчүүдийн ангилалд “Алтайн барс”, “Минтонетт Говь”, “Энержи”, “Натур Бакс”, “Мегастар”, “Төв Миг”, “Эс Жи Хокс”, “Дархан Могулс” баг өрсөлдөнө. Харин эмэгтэйчүүдийн ангилалд “Хөвсгөл Эрчим”, “Ховд Ижил Алтай”, “Уурхайчин”, “Хилчин”, “Хашхан Өвөрхангай”, “Хобби Эйс”, “Дархан Могулс”, “Минтонетт Говь” баг оролцох юм.

Өнөөдөр эрэгтэй хоёр, эмэгтэй нэг тоглолт “Аса арена”-д болно. Тодруулбал, 

14:30 цагт: Алтайн барс-Энержи /эр/
17:00 цагт: Хашхан-Ховд Ижил Алтай /эм/
19:30 цагт: Мега Старс-Натур Бакс /эр/ нар тоглох хуваарьтай байна. 

Лигийн тоглолтуудыг NSports болон Premier Sports Network сувгаар шууд дамжуулан хүргэх аж.