FIFA “Энхтайвны шагнал” гардуулна

Дэлхийн хөлбөмбөгийн холбоо (FIFA) 2026 оны ДАШТ-ний үеэр “FIFA Энхтайвны шагнал”-ыг анх удаа гардуулахаар болсноо албан ёсоор танилцууллаа.

FIFA-ийн Ерөнхийлөгч Жанни Инфантино хэлэхдээ, “Хөлбөмбөг бол энхтайвны билэг тэмдэг. Энэ утгаараа ‘FIFA Энхтайвны шагнал’ гардуулах болсон нь хөлбөмбөгөөр дамжуулан эв нэгдэл, итгэл найдварыг түгээж буй хүмүүсийн хүчин чармайлтыг дэлхийн хөлбөмбөгийн хамт олны өмнөөс үнэлж эхэлнэ” хэмээн мэдэгдлээ.

2026 оны Дэлхийн аварга шалгаруулах хөлбөмбөгийн тэмцээнийг АНУ, Канад, Мексик гурван улс хамтран зургаадугаар сарын 11-нээс долоодугаар сарын 19-ний хооронд зохион байгуулна. Тэмцээний үеэр олгох ‘FIFA Энхтайвны шагнал’ эзэн хэн болох нь одоогоор нууц байгаа юм.